Karnivalið á Tenerife 2024
Karnivalið í höfuðborg Tenerife, Santa Cruz, er annað stærsta karnival í heimi, á eftir Rio de Janeiro. Venjulega er gestafjöldinn yfir 200.000 manns.
Það kostar ekkert inn á svæðið. Það eina sem þarf er góða skapið og helst búningur. Búninga er auðvelt að nálgast fyrir karnivalið og þeir kosta ekki mikið.
Karnival annarra bæja á Tenerife er yfirleitt haldið á svipuðum tíma. Það getur munað nokkrum vikum til eða frá. Það er ekki komin dagsetning á aðrar hátíðir enn. Það verður til dæmis bæjarkarnival í Los Cristianos og Puerto de la Cruz.
Karnivalið í Santa Cruz – 7.-18. febrúar 2024
Þemað í ár er sjónvarpið
Dagskráin
- Miðvikudag, 7. febrúar 2024 – Karnivaldrottningin valin
- Föstudag, 9. febrúar 2024 – Opnunarskrúðganga og götukarnival
- Sunnudag, 11. febrúar 2024 – Dagkarnival 1 – Carnaval de día (miðbær Santa Cruz)
- Þriðjudag, 13. febrúar 2024 – Stóra skrúðgangan um kvöldið (miðbær Santa Cruz)*
- Miðvikudag, 14. febrúar 2024 – Jarðarför Sardínunnar (Skrúðganga)
- Laugardag, 17. febrúar 2024 – Dagkarnival 2 – Carnaval de día (miðbær Santa Cruz)
*Aðalviðburðurinn er skrúðgangan 13. febrúar, um kvöldið. Hún verður í miðbæ Santa Cruz og byrjar um 7.
Hér eru meiri upplýsingar um sögu karnivalsins, viðburðina, karnivalsafnið og fleira spennandi.
