Strætó
![Strætó](https://i0.wp.com/tenerife.is/wp-content/uploads/2022/03/straeto_tene_tenerife_rutur_samgongur_kanari.jpg?fit=500%2C333&ssl=1)
Strætósamgöngur Tenerife eru góðar. Hægt er að ferðast með almenningsvögnum (autobús/TITSA) um alla eyjuna. Til dæmis er hægt að taka strætó upp í El Teide-þjóðgarðinn.
Ferðir eru yfirleitt á 15-40 mínútna fresti. Tímaáætlanir eru á netinu, í appi og á stoppistöðvum. Vagnarnir eru snyrtilegir og nútímalegir. Það er lítið mál að ferðast með barnakerrur og það eru hillur inni í vögnunum fyrir ferðatöskur.
Strætó-appið
Heimasíða strætó á Tenerife er á ensku og spænsku. Ef þið skiljið spænsku þá er til app þar sem er hægt að kaupa miða og fá upplýsingar um ferðir.
Appið heitir ten+móvil í app store fyrir iPhone eða play store fyrir Android síma.
Í appinu er hægt að kaupa miða í strætó og tram sporvagninn, sem gengur innanbæjar í Santa Cruz.
Á heimasíðu TITSA er hægt að gera ferðaáætlun. Dæmið hér fyrir neðan sýnir leiðina frá Playa de las Américas til Decathlon verslunarinnar í Santa Cruz. (Decathlon er á svipuðum stað og Alcampo, stóra verslunarmiðstöðin.)
![](https://i0.wp.com/tenerife.is/wp-content/uploads/2019/11/Tenerife_straeto_almenningsvagnar_rutur_straeto_til_santa_cruz.jpg?resize=366%2C434&ssl=1)
![](https://i0.wp.com/tenerife.is/wp-content/uploads/2019/11/Tenerife_straeto_almenningsvagnar_rutur_straeto_til_santa_cruz-3.jpg?resize=640%2C518&ssl=1)
![](https://i0.wp.com/tenerife.is/wp-content/uploads/2019/11/Straeto_i_siam_mall_tenerife_versla.jpg?resize=550%2C412)
![](https://i0.wp.com/tenerife.is/wp-content/uploads/2019/11/Straeto_i_siam_mall_tenerife_budir.jpg?resize=640%2C373)