Afþreying fyrir börn
Guli kafbáturinn
![](https://i0.wp.com/tenerife.is/wp-content/uploads/2019/11/Tenerife_guli_kafbaturinn_gulur_skodunar_ferdir_born_krakka_afthreying_skoda.jpg?resize=640%2C360)
Vinsælar afþreyingar eru meðal annars guli kafbáturinn, Pétur Pan skipið, klifurbrautir við Vistas-ströndina, stjörnuskoðunarstöð á El Teide, bob-sleðarnir í Jungle Park og margt fleira. (Kíkið líka á flettilistann undir Afþreying efst á síðunni til að sjá meira.)
Úlfaldagarðar eru á tveimur stöðum á Tenerife, fyrir sunnan og norðan. Þau sem þora geta farið á úlfaldabak en önnur láta sér nægja að skoða þessi stórvöxnu dýr og kannski gefa þeim banana.
Riddarasýningin
![](https://i0.wp.com/tenerife.is/wp-content/uploads/2022/04/kastali_san_miguel_tenerife_castle_ferdir_tours.jpg?resize=640%2C293&ssl=1)
Þessi sýning stendur upp úr hjá mörgu af yngra ferðafólkinu. Riddarar að berjast með sverðum í sögufrægum kastala, sem er rétt hjá Los Cristianos. Matarveisla innifalin. Börnin gleyma sér við sýninguna og borða allt sem fyrir þau er lagt.
Hér er hægt að kaupa miða:
Go-kart og minigolf
Eitthvað sem öll fjölskyldan eða vinahópar hafa gaman af. Sjá go-kart, minigolf og fleira hér.
Hjólabrettagarðar
![](https://i0.wp.com/tenerife.is/wp-content/uploads/2023/07/hjolabretti_brettastadur_La_Granja_Tenerife_skatepark_DANIEL_YABAR_Arquitecto.jpg?resize=640%2C426&ssl=1)
Á eyjunni eru nokkrir brettastaðir, þar af er einn á Amerísku ströndinni. Flestir hjólabrettagarðarnir eru aðeins fyrir utan aðal ferðamannasvæðið. Það eru líka nokkrir í höfuðborginni Santa Cruz, Puerto de la Cruz og fleiri stöðum fyrir norðan. Hér er hægt að skoða helstu hjólabrettagarðana og fá nánari leiðbeiningar.
Söfn
![](https://i0.wp.com/tenerife.is/wp-content/uploads/2019/11/tenerife_sofn_ahugavert_safn_afriku_syning_afriskar_grimur.jpg?resize=640%2C427)
Náttúru- og þjóðminjasafn
Náttúru- og þjóðminjasafn Tenerife, Museo de la Naturaleza y Arqueología, er í höfuðborginni Santa Cruz. Afrísku grímurnar tilheyra sýningu frá 2019 sem hét ‘Afrotopos. Towards an African utopia.’ Í safninu er margt að sjá sem getur vakið forvitni og áhuga barna, sem og fullorðinna.
Vísindasafn, hernaðarsafn, listasafn
![Safnhús með fallbyssum fyrir framan](https://i0.wp.com/tenerife.is/wp-content/uploads/2022/12/hernardarsafn_stridssafn_sofn_tenerife_fallbyssur_skriddreki.jpg?resize=600%2C400&ssl=1)
Önnur söfn sem mælt er með fyrir alla fjölskylduna eru hernaðarsafnið í Santa Cruz, Museo Historico Militar de Canarias; vísindasafnið í La Laguna, Museo de la Ciencia y el Cosmos; sögu- og mannfræðisafnið í La Laguna, Museo de Historia y Antropologia de Tenerife (Casa Lercaro); og listasafnið í Santa Cruz, Circulo de Bellas Artes de Tenerife. Nánari upplýsingar um söfnin, ummæli og fleira er undir flipanum söfn hér að ofan.
Afþreying í Puerto de la Cruz
Fyrir norðan er vinsælt að heimsækja borgina Puerto de la Cruz, aðallega út af Loro Parque-dýragarðinum sem engin barnafjölskylda ætti að missa af. En líka af því að þar eru 2 svæði sem eru sérstaklega hönnuð með börn í huga; Lago de Martiánez (fyrir 8 ára og eldri) og Playa Jardín-ströndin. Rétt fyrir ofan hana er sérstakt leiksvæði fyrir börn. Það er skemmtilegt að fara þangað með smálestinni sem fer frá Playa de Martíanez í miðbæ Puerto de la Cruz.
![](https://i0.wp.com/tenerife.is/wp-content/uploads/2019/11/IMG_7080_puerto_de_la_cruz_tenerife_nordur_north_tenerife_lago_martianes-2.jpg?resize=640%2C426)
Vegurinn sem Playa Jardín-ströndin liggur við endar hjá Loro Parque-dýragarðinum en honum er lýst nánar hér. Það er best að mæta snemma í garðinn og áætla að vera þar heilan dag. Það er hægt að fara á eigin bíl, með fararstjórum eða Loro Parque-strætóinum.
![](https://i0.wp.com/tenerife.is/wp-content/uploads/2019/11/Tenerife_born_krakka_skodun_ferdir_kastali_canary_islands_San_Miguel_de_Garachico.jpg?resize=640%2C426)
Garachico
Eina byggingin sem stóð heil eftir eldgosið 1706 er kastalinn í Garachico. Þarna er hægt að sjá fallbyssur, akkeri og fleira spennandi. Aðgangseyrir er lágur.
![](https://i0.wp.com/tenerife.is/wp-content/uploads/2019/11/shutterstock_1355908538_fjallgongur_tenerife_gonguleidir_ferdast_med_born_ferdalag.jpg?resize=640%2C426)
Flugdrekahlaup
Það fást alls konar flugdrekar á Tenerife og börn og fullorðnir geta skemmt sér við að hlaupa með þá, til dæmis á ströndinni á kvöldin. Þessar myndir eru af heimasíðu Decathlon sem er í höfuðborginni.
![](https://i0.wp.com/tenerife.is/wp-content/uploads/2019/11/Flugdrekar_Tenerife_afthreying_fyrir_born_krakkar_tene_flugdreki.jpg?resize=640%2C640&ssl=1)
![](https://i0.wp.com/tenerife.is/wp-content/uploads/2019/11/Flugdrekar_Tenerife_fyrir_born_krakkar_tene_afthreying_decathlon.jpg?resize=640%2C640&ssl=1)
![](https://i0.wp.com/tenerife.is/wp-content/uploads/2019/11/Flugdrekar_Tenerife_fyrir_born_krakkar_tene_flugdreka_decathlon.jpg?resize=466%2C466&ssl=1)
![](https://i0.wp.com/tenerife.is/wp-content/uploads/2019/11/shutterstock_333374300_Siam_Park_tenerife_river_vatnsrennibraut_gardur_tene_med_born_fjolskylda_ain.jpg?resize=640%2C423)
Það er ýmislegt hægt að bralla á Tenerife, annað en að leika sér á ströndinni eða í hótelgarðinum. Til viðbótar við skemmti- og vatnsrennibrautagarða er fjölbreytt afþreying í boði fyrir börn á öllum aldri. Oft er hægt að kaupa miða með afslætti á heimasíðu hvers og eins staðar. Nánar er fjallað um vatnsrennibrautagarðinn Siam Park og dýragarðinn Loro Park á sér síðum.
(Fyrirtækin hafa ekki greitt fyrir auglýsingar eða kynnningar hér á síðunni.)