Ferðir á Tenerife
Það eru mjög margar ferðir í boði á Tenerife og getur verið erfitt að velja á milli. Hér eru dæmi um nokkrar spennandi ferðir. Meðal annars er hægt að skoða kastala, heimsækja hinn hluta eyjunnar, borða góðan mat, eða allt ofantalið. Það er hægt að panta skoðunarferðir hér, allt í gegnum örugga síðu. Þetta er allt frá matarferðum til safaríferða á fjórhjólum, til skoðunarferða um eyjuna fögru. Góða skemmtun!
El Teide þjóðgarðurinn
Eldfjöll á Tenerife
Skoðunarferð með eldfjallafræðingi (á ensku). Það verður gengið eftir auðveldum stígum, til að skoða mælitæki, þannig að ferðin hentar flestum. Ferðin tekur um 4 tíma. Það er hist í La Orotava, á Norður-Tenerife, en bærinn er í hlíðum El Teide-þjóðgarðsins.
El Teide og Masca dalurinn
Skoðunarferð í El Teide þjóðgarðinn og Masca dalinn. Þessi ferð tekur heilan dag, sirka 9,5 klst.
Stjörnuskoðun
Hér er hægt að eiga einstakt kvöld á toppi Tenerife. Hvort sem það er fyrir pör sem vilja eiga rómantíska kvöldstund, eða stjörnuskoðun fyrir litla hópa, þá eru ferðir í boði við allra hæfi.
Alvöru stjörnuskoðun í þjóðgarði El Teide. Í þjóðgarðinum er stjörnuskoðunarstöð Tenerife, Observatorio del Teide, með vönduðum stjörnukíkjum sem gefa þér nýja sýn á himingeiminn. Og vegna þess hvað svæðið er afskekkt og í mikilli hæð, er engin ljósmengun að trufla útsýnið út í geim.
Það eru líka stjörnuskoðunarferðir á El Teide fyrir litla hópa.
Ferðir fyrir matgæðinga
Tenerife víngerð og matur
Í þessari dagsferð verða tvær víngerðir heimsóttar. Í UNESCO-bænum La Laguna verður osta- og vínsmökkun í tveim vinsælum víngerðum. Eftir það verður boðið upp á fjögurra rétta máltíð, ásamt víni frá svæðinu. Kanareysk matargerðarlist eins og hún gerist best! Því næst er ferðinni haldið til Candelaria, til að fræðast um trúarlega sögu þessa fiskveiðiþorps. Einnig verða merkir staðir heimsóttir. Candelaria er helst þekkt fyrir einstaklega fallega basilíku.
Ferðin tekur um 8 klst. Það er boðið upp á að láta sækja sig á hótel.
Bodegas Monje vínekra & sósugerð
Hjá Bodegas Monje geturðu lært að búa til ekta kanareyskar „mojo“ sósur, (þessar rauðu og grænu). Þessi ferð er með hádegismat, vínsmökkun og námskeiði í sósugerð.
Riddarasýningin í San Miguel kastalanum
Miðaldasýning, riddarar, bardagi og matarveisla í þessum sögufræga kastala, sem er rétt hjá Los Cristianos. Þetta hentar fyrir alla fjölskylduna. Hér er hægt að kaupa miða.
Norður-Tenerife
Skoðunarferðir um norðurhluta eyjunnar fögru
Dagsferð um alla eyjuna
Dagsferð um El Teide yfir á norðurhluta Tenerife.
Hjólaferð um Norður-Tenerife
Gamli bærinn La Orotava
Aðgangur að 17. aldar húsinu, La Casa de los Balcones. Húsið er bæði safn og minjagripaverslun.
Dagsferð til nágrannaeyjunnar La Gomera
Hér eru líka fleiri skemmtisiglingar við Tenerife.