Eitthvað annað en sólbað
![Eitthvað annað en sólbað](https://i0.wp.com/tenerife.is/wp-content/uploads/2021/07/shutterstock_1072836935_tenerife_puerto_de_la_cruz_strond_tene_skodunarferdir_nordur.jpg?fit=768%2C513&ssl=1)
Það þarf enginn að láta sér leiðast á Tenerife. Reyndar er svo margt í boði á þessari paradísareyju, að það væri auðveldlega hægt að prófa eitthvað nýtt á hverjum degi í nokkra mánuði. Til viðbótar við vatnsrennibrautagarða, dýragarða og golf, er nú búið að bæta við ýmissi afþreyingu hér á síðunni. Til dæmis um hvar Go-kart og minigolf er á ferðamannasvæðinu, og hvar er hægt að komast í siglingu og stjörnuskoðun. Ef einhver vilja ná sér í réttindi fyrir köfun þá eru líka upplýsingar um það hér.
![](https://i0.wp.com/tenerife.is/wp-content/uploads/2023/02/Kafara_rettindi_padi_tenerife_kofun.jpg?resize=640%2C427&ssl=1)
Norður-Tenerife
Í Puerto de la Cruz, fallegri borg á Norður-Tenerife, eru ekki bara einn heldur tveir grasagarðar. Eins og mörg ykkar vita er gróðurinn grænni á norðurhluta Tenerife. Það er því ekki að ástæðulausu að grasagarðarnir eru þar. Aðeins vestar er svo eldfjallabærinn Garachico, sem var nýlega valinn einn fallegasti bær Spánar.
![](https://i0.wp.com/tenerife.is/wp-content/uploads/2022/02/Tenerife_born_krakka_skodun_ferdir_kastali_canary_islands_San_Miguel_de_Garachico.jpg?resize=640%2C426&ssl=1)
Upplýsingasíðan
Undir flipunum Afþreying og Útivist hér efst á síðunni, er hægt að finna það helsta sem er hægt að gera á eyjunni. Um alla eyjuna er hægt að stunda útivist allt árið um kring. Gönguferðir, hjólaferðir og brimbretti eru á meðal þess vinsælasta á Tenerife.
Skiptar skoðanir voru á því hvort golf væri afþreying eða útivist. En eftir mjög óvísindalega könnun á Facebook-síðu okkar, var niðurstaðan sú að golf ætti heima undir útivist hér á síðunni.
![](https://i0.wp.com/tenerife.is/wp-content/uploads/2023/02/go-kart_tenerife_hvar_er_gokart_tene-vef.jpg?resize=640%2C480&ssl=1)