Tenerife um jólin
![Tenerife um jólin](https://i0.wp.com/tenerife.is/wp-content/uploads/2019/11/jol_a_tenerife_um_jolin_tene_ut_ad_borda.jpg?fit=900%2C546&ssl=1)
Flestir veitingastaðir eru opnir um jól og áramót á Tenerife. Það borgar sig þó alltaf að panta borð fyrir fram þegar planið er að fara út að borða á hátíðisdögum, hvort sem það er fyrir tvær manneskjur eða stærri hópa. Það er til dæmis hægt að panta í gegnum Tripadvisor en til að panta borð á hóteli sem gist er á er nóg að hafa samband við viðkomandi hótel.
Hefðbundinn jólamatur á Spáni er lambakjöt og í eftirmat er turrón, núggat konfekt sem er meðal annars úr sírópi og hnetum.
![](https://i0.wp.com/tenerife.is/wp-content/uploads/2019/11/vatnsrennibrauta_gardur_tenerife.jpg?resize=640%2C427)
Sífellt fleiri kjósa að verja jólunum í sól og sumaryl fjarri stressinu á Íslandi, enda er fátt jafn endurnærandi og frí á paradísareyjunni Tenerife. Líklega verða um 1% Íslendinga á Tenerife þessi jól eins og síðustu ár.
Á meðan sumir vilja slaka á við sundlaugarbakkann eða á ströndinni, vilja aðrir njóta þess að ganga um höfuðborgina Santa Cruz eða gamla bæinn í Los Cristianos. Hér er hægt að lesa meira um jólin á Tenerife.