Leigubílar

Það eru leigubílastöðvar víðsvegar á ferðamannasvæðinu og ekki dýrt að taka leigubíl.

Leigubílar á Tenerife (og víðar á Spáni) eiga nú að hafa bláar númeraplötur, til að aðgreina þá frá leigubílum sem aka án leyfis til farþegaaksturs.

Hér eru tvær leigubílastöðvar þar sem er hægt að panta leigubíl á netinu með fyrirvara, t.d. til að láta sækja sig á flugvöllinn. Sendið okkur endilega skilaboð hér eða á Facebook ef þið mælið með öðrum líka.

Book TAXI. Barnabílstólar og -sæti, fyrirferðamikill farangur (golfsett o.fl.), sérferðir um eyjuna. Nokkrar stærðir af bílum í boði.

Official Taxi Tenerife. Það er hægt að haka við sérþjónustu, t.d.  ef þið eruð með hjólastól eða golfsett. 15 € aukagjald fyrir stærri hluti eins og reiðhjól og brimbretti.

Dæmi um verð fyrir 2 farþega frá flugvellinum að Costa Adeje er 37,45 € (um 4.500 ISK). Sama verð ef það bætast við 2 börn.

Ef pantað er til eða frá flugvellinum Tenerife Sur (TFS) þá heitir hann líka Reina Sofia (Flugvöllur Soffíu drottningar).

Barnabílstólar

Á þessari síðu er svo hægt að leigja barnabílstóla, kerrur og fleira fyrir börnin. Margir Íslendingar hafa notað þessa leigu og mæla með henni. Hire4Baby.

(Fyrirtækin hafa ekki greitt fyrir auglýsingar eða kynnningar hér á síðunni.)