Langtímaleiga

Stundum duga bara ekki 2 vikur.

Ameríska ströndin og Los Cristianos eru á Arona-svæðinu og Fanabe í Adeje

Fyrir ykkur sem eruð að hugsa um að vera meira en mánuð á Tenerife þá eru hér nokkrar síður sem mælt er með að nota við íbúðaleit. Verðið er almennt hæst nálægt helstu ferðamannasvæðunum (Adeje og Arona) en það er hægt að finna ódýrar íbúðir fjær þeim svæðum. Ameríska ströndin og Los Cristianos eru á Arona-svæðinu og Fanabe er í Adeje.

Eyjan er lítil þannig að það eru aldrei mjög langar vegalengdir sem þarf að fara, t.d. að ferðamannasvæðinu. (Um klukkutími ef þið eruð alveg hinum megin á eyjunni.) Ef þið þekkið eyjuna ekki vel þá er best að skoða Google Maps til að finna út vegalengd að næstu matvöruverslun og þjónustu. Líka að skoða hvar strætó (TITSA) stoppar ef þið ætlið ekki að vera á bíl.

Það er sniðugt að vera fyrstu vikurnar á hóteli eða leigja Airbnb-íbúð meðan leitað er að rétta svæðinu eða íbúð. Sérstaklega ef planið er að vera lengur en 3 mánuði.

Ef þið eruð norðanmegin á eyjunni þá getur verið kalt á nóttunni yfir veturinn. Húsin eru þá yfirleitt hituð með gasofnum.

Athugið að þegar leitað er að íbúðum á Tenerife þá er eins og allar íbúðirnar séu í höfuðborginni Santa Cruz en það er ekki þannig. Þetta er einfaldlega eins og hluti af nafni svæðisins innan Spánar, þ.e. Santa Cruz de Tenerife. Ef þið eruð ekki viss þá er best að setja nafn bæjarins eða allt heimilisfangið inn á Google Maps til að sjá rétta staðsetningu.

Hvar er best að búa?

Staðsetning og verð fara eftir því hvort fólk vill vera á aðal ferðamannasvæðinu (Arona og Adeje) eða fyrir utan það. Íbúðir við Amerísku ströndina, Fanabe og Los Cristianos eru yfirleitt dýrari en annars staðar á eyjunni. Almennt eru íbúðir á ferðamannasvæðinu við sjóinn dýrari en íbúðir ofan við hraðbrautina en það getur verið öfugt í öðrum bæjum, þ.e. dýrara hærra uppi þar sem er svalara loft.
Fyrir fólk sem vill vera nálægt ferðamannasvæðinu en samt aðeins fyrir utan, þá eru margir hrifnir af bæjunum Puerto de Santiago sem er á móti Los Gigantes-klettunum og El Médano. Aðrir bæir eru til dæmis Garachico, sem er sögufrægur bær, Las Galletas, El Porís og San Isidro.
Ef þið viljið upplifa spænska menningu er líka hægt að vera í höfuðborginni Santa Cruz eða Puerto de la Cruz, Los Realejos eða La Laguna, sem er með svipaðan íbúafjölda og Reykjavík. Fjölmennustu borgirnar á eyjunni eru Santa Cruz og La Laguna. Það eru fjölmargir fallegir staðir sem koma til greina og um að gera að skoða síðuna vel til að fá fleiri hugmyndir um norður– og suðurhluta. Það er líka mismunandi hvaða þjónustu fólk þarf, (sjúkraþjálfun, pósthús, apótek o.s.frv.) svo það er hægt að nota Google maps til að sjá hvað er í boði á hverjum stað.

Hvernig er best að finna íbúð?

Það er mismunandi hvað er innifalið í leigu og það er tekið fram í hverri skráningu. Airbnb-íbúðir eru í flestum tilfellum með nettengingu og sjónvarp. Það getur verið betri kostur að leigja Airbnb-íbúð en venjulega íbúð ef þið eruð ekki viss um hvaða svæði þið viljið vera á og líka ef þið viljið prófa að gista á nokkrum stöðum en ekki vera á sama stað alla ferðina.

Smáa letrið: Ef beðið er um að leiga sé greidd fyrir fram inn á erlendan bankareikning þá millifærið alls ekki. Ef um svik er að ræða þá er engin leið að rekja slóð peninganna. Öruggustu greiðsluleiðirnar eru kreditkort (Visa/MasterCard) og Paypal því þá er hægt að ábyrgjast greiðslurnar.

Á Spáni er gefinn upp herbergjafjöldi miðað við fjölda svefnherbergja, ólíkt Íslandi þar sem stofan er talin með. Ef þið eruð að leita að íbúð með 1 svefnherbergi þá er það einfaldlega 1 habitación (skammstafað hab) eða 1 dormitorio. Eldavélar eru annað hvort rafmagns eða gas.

Nokkur orð sem lærast fljótt þegar þið farið að leita að íbúð á Tenerife, Kanaríeyjum eða Spáni:

  • Leiga = alquilar/alquiler  
  • Svefnherbergi = habitación/hab/dormitorio
  • Baðherbergi = baños  
  • Eða meira = o más 
  • Svalir = balcón  
  • Verð til-frá = precio desde-hasta

Leigumiðlanir á Spáni og Kanaríeyjum

Smellið á nafn hér fyrir neðan til að fara á heimasíðu viðkomandi leigumiðlunar. Til að einfalda leitina hafa síðurnar verið stilltar þannig að þær opnast á leitarniðurstöðum fyrir íbúð með 1 svefnherbergi og stundum á tilteknu svæði:

This image has an empty alt attribute; its file name is table-LFE-1-Litlir_eldar_bestu_skaldsogur_aratugarins_baekur.jpg
Auglýsing

Þegar þið hafið fundið íbúð er best að hafa samband við viðkomandi leigumiðlun og spyrja um tryggingar. Líka hvort það sé einhver aukakostnaður, því leigumiðlanir taka stundum þóknun sem samsvarar 1 mánaðarleigu.

Yfirleitt þarf bara að sýna vegabréf þegar leigusamningur er gerður og ekki þörf á að hafa spænska kennitölu (NIE).