Loro Parque

Tvíburagarður Siam Park er dýragarðurinn Loro Parque, en hann er staðsettur hinumegin á eyjunni, í bænum Puerto de la Cruz. Það eru fríar rútuferðir á milli en þau ykkar sem eruð með bílaleigubíl eruð um klukkustund að aka á milli. Garðurinn var valinn sá besti í Evrópu og 2. besti í heimi. Best er að kaupa miða fyrir fram en það er líka miðasala við innganginn. Þar eru bæði hraðbankar og posar. Þegar miðar eru keyptir á netinu þarf að mæta með þá útprentaða.

Gott er að mæta snemma í garðinn til að sjá sem flestar sýningar, heilsa upp á górilluna, skoða krókódílinn og fiskana. Sýningin með sæljónunum er sýning sem enginn ætti að missa af, sérstaklega börnin, og það sama má segja um páfagaukana. Í nóvember 2019 er verið að endurbæta svæðið með sæljónunum.

Hér er hægt að sjá myndband frá sýningu sæljónanna

Loro Parque er vottaður af samtökum sem fylgjast með að meðferð dýranna sé mannúðleg.

Hvað kostar í Loro Parque?

Venjulegt verð fyrir fullorðna eru 38 evrur, 26 evrur fyrir 6-11 ára börn, frítt fyrir börn sem eru yngri en 6 ára. Sama verð gildir fyrir miða á Siam Night en þá er opið frá 8 á kvöldin til miðnættis, fyrir utan að þá þarf að kaupa miða fyrir 4-11 ára börn. Það eru nokkrar gerðir af miðum í boði, premium, diamond, discovery o.fl. (Athugið að verðin gætu hafa breyst.)

Ef þið ætlið líka í Loro Parque þá er hægt að kaupa „tvíburamiða“ (twin ticket) í báða garðana með afslættiTvíburamiði kostar 66 evrur fyrir fullorðna og 45,50 evrur fyrir 6-11 ára börn. Miðar sem eru keyptir á heimasíðu garðsins gilda í 1 ár frá kaupdegi. Athugið að nú er líka hægt að kaupa „þríburamiða“ sem gildir í þessa tvo garða plús Poema del Mar sædýrasafnið á Gran Canaria. Það er hægt að gera sér dagsferð þangað með ferjunni sem gengur á milli eyjanna. (Munið bara að taka með ykkur vegabréfin.)

Það er hægt að panta þessa miða fyrir fram á heimasíðu garðanna, ásamt miðum í Loro Parque-strætóinn.

Þið fáið kort af garðinum við innganginn og getið þá valið á hvaða sýningu þið viljið byrja. Nokkrar sýningar eru í gangi í einu og það er tímatafla við hvert svæði.

Munið eftir sólarvörn og hatti ef það er sól, annars er auðvelt að brenna. Hér og þar í garðinum er skjól fyrir sólinni og sum sýningarsvæðin eru inni í kaldara lofti. Það eru veitingastaðir í nokkrum verðflokkum víða um svæðið og auðvelt að finna stað til að kaupa vatn eða fara á klósettið.

Auglýsing