Bílaleigur

Það er mjög þægilegt að keyra á Tenerife, vegirnir eru almennt góðir og bílstjórar eru tillitssamir og virða rétt annarra, líka gangandi og hjólandi vegfarenda. Það er mjög sjaldgæft að sjá einhverja svína á aðra eða aka glannalega.

Á leiðinni upp að El Teide

Hámarkshraði á hraðbrautunum er oftast 120 km.

Reglur í hringtorgum eru ekki eins og á Íslandi því á Spáni er það YTRI hringur sem á réttinn út.

Athugið að á Tenerife er bannað að aka í sandölum og skóm sem eru opnir að aftan.

Það er hægt að fá bílaleigubíl afhentan á flugvellinum (Tenerife Sur – Reyna Sofia) eða hvenær sem ykkur hentar.

Passið vel upp á að yfirfara bílinn þegar þið takið við honum. Ef þið sjáið rispu, beyglu eða eitthvað annað athugavert, látið þá starfsmann bílaleigunnar skrifa það í athugasemdir á samninginn. Gott að taka líka myndir. Ef þetta er ekki gert getið þið lent í vandræðum þegar þið skilið bílnum og jafnvel verið krafin um bætur.

Leitarvél Rental Cars kemur oftast með hagstæðustu verðin og er auk þess á íslensku. Það er líka hægt að nota Dohop. Gæti ekki verið einfaldara!