Veður

Veður

Sólin skín flesta daga á suðurhluta Tenerife og hitastig er nokkuð jafnt allt árið. Á norðurhlutanum er aðeins svalara yfir veturinn og það rignir oftar, eins og sést á gróðrinum. Heitasti tíminn er ágúst en sá kaldasti janúar.

Hér sést yfirlitskort yfir hitatölur. Fyrsti stafur mánaðanna er í bláu reitunum og meðalhiti yfir daginn er í gulu reitunum. Ljósgrænu reitirnir sýna hitatölur yfir kvöld og nótt.

Meðalhiti á Tenerife frá janúar – desember (J-D)

Vindmyllur

Vindmyllur á Austur-Tenerife

Það getur blásið hressilega á eyjunni og Tenerifebúar hafa nýtt sér það vel. Vindmyllur (vindmyllubúgarðar) sjást frá hraðbrautinni á nokkrum stöðum en þyrpingarnar eru orðnar 18 talsins. Orkuframleiðslan jókst um 137% frá 2015-2018 og framleiðslugetan er orðin 186,67 MW.

Calima sandstormur

Calima_tenerife_sandstormur_vedur_IMG_6886

Calima eru heitir vindar frá Sahara-eyðimörkinni í Afríku, sem ganga stundum yfir Kanaríeyjar með tilheyrandi sandroki. Þetta er almennt hættulaust veðurfyrirbæri en getur þó haft áhrif á fólk með öndunarfærasjúkdóma. Einnig eru dæmi um að sandstormar hafi haft áhrif á flug og viðburði sem eru haldnir utandyra.

Calima lítur út eins og á myndunum hér, loftgæðin geta verið misjöfn. Það fylgir þessu yfirleitt hækkað hitastig og sumir ferðamenn láta þetta ekki hafa nein áhrif á sólböðin. Calima gengur yfirleitt yfir á 1-3 dögum og þá er hægt að nota daginn í að versla, heimsækja söfn eða fara í skoðunarferðir, svo lengi sem loftgæðin eru góð. Stundum er þó ráðlagt að halda sig inni, svo það er best að fylgjast með tilkynningum frá yfirvöldum þegar von er á calima.

Sahara-eyðimörkin vildi líka fara til Tenerife. Mynd Canarias 7, 2020.
Calima, sandstormur á Tenerife
Höfuðborgin Santa Cruz í febrúar 2020. Mynd Europe Press.