Týnt vegabréf

Týnt vegabréf

Ef vegabréf týnist eða er stolið þarf að fara á aðallögreglustöðina og tilkynna það. Það er ekki nóg að fara á næstu lögreglustöð, heldur þarf það að vera la Policía Nacional. Hún er rétt hjá Siam Mall en hinumegin við hraðbrautina.

Ef þið eruð úti á vegum ferðaskrifstofu er mælt með að fá aðstoð fararstjóra.

Áður en þetta er tilkynnt til lögreglu er nauðsynlegt að hafa númerið á vegabréfinu, ásamt upplýsingum um flugið heim, s.s. flugfélag, flugnúmer, brottfarartíma og hvert flogið er til. Ef þið eruð ekki með það skráð þarf að hringja til Sýslumanns í síma 458-2000 og láta finna númerið og í leiðinni láta vita að vegabréfið sé týnt. Þegar þessar upplýsingar eru komnar er hægt að tilkynna.

Ef þið eruð ekki góð í ensku og talið ekki spænsku, þá er mjög mikilvægt að fá aðstoð.

Ræðismaður Íslands á Kanaríeyjum er á Gran Canaria en þar sem erlendir ferðamenn mega ekki fara milli eyjanna án vegabréfs þarf að snúa sér til lögreglunnar.